លោកឧត្តមសេនីយ៍ត្រី សៀ ទីន និងក្រុមការងារអាវុធហត្ថខេត្តសៀមរាប បាននាំយកអំណោយ និងថវិកាមួយចំនួន ចុះសួរសុខទុក្ខ និវត្តន៍ជន ដែលកំពុងសម្រាកព្យាបាលជំងឺ !
(សៀមរាប)៖ នាព្រឹកថ្ងៃទី២៧ ខែធ្នូ ឆ្នាំ២០២៤ ក្រុមការងារអាវុធហត្ថខេត្តសៀមរាប ដឹកនាំដោយលោកឧត្ដមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប ចុះសួរសុខទុក្ខ ដល់លោក សៅ សែ (និវត្តន៍ជន) នៃកងអាវុធហត្ថខេត្តសៀមរាប ដែលកំពុងសម្រាកព្យាបាលជំងឺនៅគេហដ្ឋាន។
ក្នុងឱកាសសួរសុខទុក្ខនោះ លោកឧត្តមសេនីយ៍ មេបញ្ជាការ និងក្រុមការងារ អាវុធហត្ថខេត្តសៀមរាប បាននាំយកនូវសម្ភារៈរួមមាន៖ អង្ករចំនួន០២ការ៉ុង ទឹកដោះគោឆៅចំនួន០២យួរ ទឹកសុទ្ធចំនួន០៤កេស ទឹកក្រូចចំនួន០៤កេស ត្រីខចំនួន០២យួរ និងថវិកាចំនួន៥០០.០០០រៀល(ហាសិបម៉ឺនរៀល)៕
Post a Comment