ចប់បាត់? ល្បែងស៊ីសងខុសច្បាប់បើកលេងក្បែរសាលាសង្កាត់ផ្សារកណ្តាលទី១ ត្រូវបានសមត្ថកិច្ចព្រហ្មទណ្ឌក្រុងចុះបង្ក្រាប

(ភ្នំពេញ)៖ សមត្ថកិច្ចព្រហ្មទណ្ឌកម្រិតស្រាលនៃស្នងការនគរបាលរាជធានីភ្នំពេញ ក្រោមបញ្ជាផ្ទាល់ពីឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានចុះបង្ក្រាបទីតាំងបើកលេងល្បែងស៉ីសងខុសច្បាប់តាមអនឡាញ នៅក្បែរសាលាសង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ នាវេលាម៉ោង ២០:០០នាទីយប់ ថ្ងៃទី៧ ខែកុម្ភៈ ឆ្នាំ២០២៤។ ប្រតិបត្តិការនេះ សមត្ថកិច្ចបានឃាត់ខ្លួនមនុស្សជាង ២០នាក់ រួមទាំងសម្ភារប្រើប្រាស់មួយចំនួន។